Misir Rafahda köçkün düşərgələri yaratmağı təklif edib
Bakı, 23 oktyabr, AZƏRTAC
Misir Rafah yaşayış məntəqəsində Qəzza sektorundan qaçanlar üçün düşərgələr yaratmağı təklif edib.
AZƏRTAC “Al Araby Al Jadeed” qəzetinə istinadla xəbər verir ki, təklifə əsasən, Misirlə sərhəddən üç kilometr məsafədə yerləşəcək düşərgələrə nəzarət Qahirə tərəfindən həyata keçiriləcək. Qəzza sakinlərinin Sinay yarımadasına buraxılmasına qarşı çıxan Misirin hakimiyyət orqanları düşərgəyə gələn köçkünlərə Fələstin ərazisində təcili yardım göstərəcək.
Nəşrin məlumatına görə, humanitar yüklərin Əl-Əriş şəhəri və “Rafah” nəzarət-buraxılış məntəqəsi vasitəsilə Qəzza sektoruna çatdırılmasını Qətər, Misir və ABŞ koordinasiya edir. Bu həftənin sonuna və ya maksimum gələn həftənin əvvəlinədək Qəzza sakinlərinə humanitar yardım daşıyan 100 yük maşınının Fələstin eksklavına çatdırılması planlaşdırılır.
Bölmənin digər xəbərləri
