Modellər Formula 1 Monako Qran-Prisində start düzülüşünə çıxacaqlar
Bakı, 24 may, AZƏRTAC
“Liberty Media”dan olan Formula 1 təşkilatçıları ilin əvvəlində “grid girlz”lərdən imtina edərək, onları “Grid Kids” proqramı çərçivəsində gənc pilotlarla əvəzləyiblər.
AZƏRTAC xəbər verir ki, Formula 1 mərhələlərinin təşkilatçılarının heç də hamısı bu qərarla razı deyil. Monako Avtomobil Klubunun prezidenti Mişel Boyeri ötən ay bildirib ki, Qran-Pridə peşəkar modellər çalışacaqlar.
Məlum olub ki, ötən mərhələlərdə olduğu kimi, Monako Qran-Prisində də start düzülüşünə əllərində nömrə lövhələri tutan uşaqlar çıxacaqlar. Ancaq mərhələnin sponsorlarından birini təmsil edən model qızlar və oğlanlar da onlarla yanaşı start düzülüşündə olacaqlar. Təşkilatçılar nəzərdə tutublar ki, modellər startdan əvvəl pilotlarla şəkil çəkdirəcək və həmin şəkilləri sosial şəbəkələrdə paylaşacaqlar.
Bölmənin digər xəbərləri
