Moldova Prezidenti Azərbaycan xalçaları sərgisi ilə tanış olub
Kişineu, 28 may, AZƏRTAC
Moldova Respublikasının Prezidenti Maya Sandu mayın 28-də Azərbaycanın bu ölkədəki səfiri Ülvi Baxşəliyevlə birlikdə Azərbaycanın Müstəqillik Günü münasibətilə Milli Tarix Muzeyində təşkil olunmuş Azərbaycan xalçalarından ibarət sərgi ilə tanış olub.
AZƏRTAC Moldova Prezidentinin saytına istinadla xəbər verir ki, sərgidə Azərbaycanın müxtəlif bölgələrinə məxsus ənənəvi və müasir xalçalar nümayiş etdirilir. Hər iki ölkənin mədəni irsinin ortaq elementi olan xalçaçılıq sənəti mədəniyyətlərarası dialoqun rəmzi kimi vurğulanıb.
Prezident Sandu iki ölkə arasında ikitərəfli münasibətlərin əhəmiyyətini vurğulayıb və bu kontekstdə onun Tiranada Avropa Siyasi Birliyinin Zirvə görüşü çərçivəsində Prezident İlham Əliyevlə görüşünü qeyd edib.
Kişineu
Bölmənin digər xəbərləri
