Moldovanın bəzi kəndlərində 1 nəfər yaşayır
Kişineu, 28 mart, AZƏRTAC
Moldovanın təxminən 180 kəndində 100-dən az sakin yaşayır. Təxminən 30 yaşayış məntəqəsində 10-dan az, 4 kənddə isə yalnız 1 sakin yaşayır.
AZƏRTAC xəbər verir ki, bu barədə Moldova Milli Statistika Bürosunun məlumatında bildirilib.
Qeyd olunub ki, ölkənin ümumi əhalisi təxminən 2, 409 milyon nəfərdir. Bunların 46, 4 faizi şəhərlərdə, 53, 6 faizi isə kəndlərdə yaşayır.
Kişineu təxminən 567 min nəfərin yaşadığı ən böyük şəhər olaraq qalır.
Qadınlar əhalinin təxminən 53, kişilər isə 47 faizini təşkil edir. Kiçik kəndlərdə əhəmiyyətli cins və yaş fərqləri müşahidə olunur.
Əhalinin təxminən 21 faizi uşaqlar, 56 faizi əmək qabiliyyətli yaşda olanlar, qalanı isə yaşlılardır.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
