“Monpelye” klubu “Seltik”in müdafiəçisi Kristofer Jülyeni transfer edib
Bakı, 24 avqust, AZƏRTAC
Fransanın “Monpelye” klubu heyətini yeni futbolçu ilə gücləndirib.
AZƏRTAC xəbər verir ki, Liqa 1 təmsilçisi Şotlandiyanın “Seltik” klubunun müdafiəçisi Kristofer Jülyeni transfer edib. Bu barədə Fransa klubunun rəsmi saytı məlumat yayıb.
İyirmi doqquz yaşlı futbolçu ilə üçillik müqavilə imzalanıb. “Monpelye” bu keçidə görə “Seltik”ə cəmi 1 milyon avro ödəyib.
Mərkəz müdafiəçisi “Seltik”də keçirdiyi 3 mövsüm ərzində 62 oyuna çıxıb, 10 qol vurub.
Bölmənin digər xəbərləri
