MOSKVADA QURAN HAFİZLƏRİNİN MÜSABİQƏSİ KEÇİRİLƏCƏKDİR
AZƏRTAC-ın xüsusi müxbiri xəbər verir ki, sentyabrın 28-də Rusiya paytaxtında ənənəvi olaraq, Quran hafizlərinin IX Moskva Beynəlxalq müsabiqəsi keçiriləcəkdir. Təşkilatçıların bildirdiyinə görə, bu il müsabiqədə 15 ölkənin nümayəndəsi iştirak edəcəkdir. Onların arasında İran, Türkiyə, Malayziya, Qətər, Səudiyyə Ərəbistanı və MDB-nin müsəlman ölkələrindən olan, habelə Rusiyanın Dağıstan, Tatarıstan və digər bölgələrinin yeddi ən yaxşı hafizlər vardır.
Müsabiqə “Müqəddəs Quranın bütöv mətnini əzbər bilmək” nominasiyasında keçirilir. Ən yaxşı hafizlər mətni ərəb dilində düzgün oxumaqla yanaşı, həm də Quranı bütünlüklə bildiyini nümayiş etdirməli və münsiflərin suallarına cavab verməlidir.
Müsabiqənin gedişində Rusiya və İrandan olan ansambllar müsəlman dini nəğmələr oxuyacaqlar. Müsabiqə çoxdan keçirilsə də, yalnız 2007-ci ildən beynəlxalq tədbir olmuşdur.
Bölmənin digər xəbərləri
