REGİONLAR
Müasir Azərbaycan Heydər Əliyevin həyat amalının təntənəsidir
![](/files/galleryphoto/2023/1/1200x630/16771582613926552309_1200x630.jpg)
![](/files/galleryphoto/2023/1/1200x630/16771582613093234068_1200x630.jpg)
![](/files/galleryphoto/2023/1/1200x630/1677158261186859868_1200x630.jpg)
![](/files/galleryphoto/2023/1/1200x630/16771582615730664847_1200x630.jpg)
![](/files/galleryphoto/2023/1/1200x630/1677179826365460709_1200x630.jpg)
![](/files/galleryphoto/2023/1/1200x630/16771582613440252264_1200x630.jpg)
![](/files/galleryphoto/2023/1/1200x630/16771798264885563048_1200x630.jpg)
![](/files/galleryphoto/2023/1/1200x630/1677158261504360595_1200x630.jpg)
![](/files/galleryphoto/2023/1/1200x630/16771582614565911250_1200x630.jpg)
![](/files/galleryphoto/2023/1/1200x630/16771582612912162933_1200x630.jpg)
![](/files/galleryphoto/2023/1/1200x630/1677158261529581894_1200x630.jpg)
Ağdam, 23 fevral, Tahir Ağaməmmədov, AZƏRTAC
Ağdam Muğam Mərkəzində “Ulu Öndər Heydər Əliyevin zəngin dövlətçilik irsinin təbliği və öyrənilməsi” mövzusunda tədbir keçirilib.
AZƏRTAC-ın bölgə müxbiri xəbər verir ki, tədbir iştirakçıları əvvəlcə Ümummilli Lider Heydər Əliyevin Quzanlı qəsəbəsinin mərkəzi meydanındakı abidəsini ziyarət edib, önünə tər gül dəstələri düzüblər.
Yeni Azərbaycan Partiyası (YAP) Mərkəzi Aparatının təşkilatçılığı və Ağdam Rayon İcra Hakimiyyətinin dəstəyi ilə keçirilən tədbirdə Dövlət Himni səsləndirilib, torpaqlarımızın ərazi bütövlüyü uğrunda şəhid olan Vətən övladlarının, Ulu Öndər Heydər Əliyevin və Türkiyədə baş vermiş zəlzələ nəticəsində həyatını itirən insanların xatirəsi bir dəqiqəlik sükutla yad edilib. Sonra Ümummilli Liderə həsr olunmuş film göstərilib.
YAP Ağdam rayon təşkilatının sədri Mənsur Quliyev çıxışında bildirib ki, Ulu Öndər Heydər Əliyev xalqını zamanın mürəkkəb tarixi-siyasi sınaqlarından uğurla çıxarmış qüdrətli şəxsiyyətdir. Davamlı yüksəliş yolunda inamla irəliləyən müasir Azərbaycan Heydər Əliyevin həyat amalının təntənəsidir. Ömrünün böyük hissəsini xalqına, Vətəninə həsr edən dahi şəxsiyyət bugünkü müstəqil, demokratik və suveren Azərbaycan dövlətinin şanlı tarix səhifəsini yazıb.
Tədbirdə çıxış edən rayon icra hakimiyyətinin başçısı Vaqif Həsənov Ulu Öndərin xalqımız və dövlətimiz qarşısında xidmətlərindən, məqsədyönlü siyasətinin əhəmiyyətindən danışıb. Bildirib ki, müasir Azərbaycan dövlətinin memarı və qurucusu, xalqının və dövlətinin müstəqilliyi, inkişafı naminə böyük işlər görmüş Ümummilli Lider Heydər Əliyev hər zaman qürur hissi ilə xatırlanacaq. Bu gün qazanılan bütün nailiyyətlərin əsasında Ümummilli Lider tərəfindən müəyyənləşdirilən siyasi kurs və Prezident İlham Əliyevin bu siyasi kursu uğurla davam etdirməsi faktı dayanır.
Müdafiə Sənayesi Nazirliyinin Milli Aerokosmik Agentliyinin baş direktoru Natiq Cavadov, Milli Məclisin deputatı Aqil Abbas və digər çıxış edənlər Ulu Öndər Heydər Əliyevin həyat və fəaliyyətinin müəyyən məqamlarından bəhs edib, xilaskarlıq missiyasından, Azərbaycanın müstəqilliyinin bərpası və möhkəmləndirilməsindəki xidmətlərindən danışıblar.
Sonda YAP sıralarına qoşulan bir qrup şəxsə partiyanın üzvlük vəsiqəsi verilib, rayonun ictimai-siyasi həyatında fərqlənənlər fəxri fərmanla təltif olunublar.