MÜSƏLMANLARIN İRAQDAKI MÜQƏDDƏS OCAQLARININ TALEYİ PAKİSTANI NARAHAT EDİR
Dövlət başçısı Amerika qoşunlarının Əfqanıstanda və İraqda hərbi əməliyyatların aparılmasına cavabdeh olan general Con P.Abizaidlə telefon söhbətində öz narahatlığını ifadə etmişdir.
Pərviz Müşərrəf ümidvar olduğunu bildirmişdir ki, ABŞ-ın İraqdakı qoşunları müqəddəs yerlərin qorunub saxlanması və toxunulmazlığı üçün mümkün olan bütün tədbirləri görəcəklər. Bundan əlavə, Prezident İraqın dinc əhalisi arasında itkilərə yol verməmək üçün ABŞ-ın tədbirlər görməsinin zəruriliyini də bəyan etmişdir. Onun sözlərinə görə, bu ölkədə sülhün və sabitliyin bərpa olunması bütün regionun mənafeyinə uyğundur.
ABŞ İslamabadın İraqa sülhməramlı qoşun kontingenti göndərməyə razı olmasına cəhd göstərir. Pakistan rəhbərliyi öz əsgərlərini İraqa göndərməyə prinsipcə razı olsa da, belə bir şərt irəli sürmüşdür ki, onun qoşunları İraqa yalnız BMT–nin mandatı ilə, özü də Pakistanın ABŞ-dakı keçmiş səfiri Qazi Cahangirin başçılıq etdiyi BMT nümayəndəliyini qorumaq üçün getməlidir.
Bölmənin digər xəbərləri
