Mustafa Abitoğlu: “Üzgüçülük hamı üçün” layihəsində yeni bir tarix yazmaq üçün gəlmişik
Bakı, 2 iyun, AZƏRTAC
Bu cür layihənin keçirilməsi müsbət addımdır.
AZƏRTAC xəbər verir ki, bu sözləri Şimali Kipr Türk Respublikasının Su İdmanı Federasiyanın prezidenti Mustafa Abitoğlu Bakıda ikinci dəfə keçirilən “Üzgüçülük hamı üçün” layihəsinin açılış mərasimindən sonra jurnalistlərə müsahibəsində deyib.
O, ikinci Vətəni olan Azərbaycana səfər etdiyi üçün xoşbəxt olduğunu bildirib: “Hisslərimi sözlə ifadə etmək çətindir. Həqiqətən möhtəşəm təşkilatçılıq üçün Gənclər və İdman Nazirliyinə və Azərbaycan Üzgüçülük Federasiyasına təşəkkür edirəm. Yenidən bizə qardaşlıq duyğusu yaşatdılar. Yeni bir tarix yazmaq üçün gəlmişik. Hər kəsə xeyirli olsun”.
Yarışda Azərbaycanla yanaşı, Türkiyə, Qazaxıstan və Şimali Kipr Türk Respublikası ölkələrindən müxtəlif yaş kateqoriyasında olan idmançılar iştirak edirlər.
Gənclər və İdman Nazirliyi, Azərbaycan Üzgüçülük Federasiyasının birgə əməkdaşlığı ilə təşkil olunan yarışlar bu gündən başlanıb və iyun 3-də davam edəcək.
Bölmənin digər xəbərləri
