MÜSTƏQİLLİK BAYRAMI QEYD EDİLMİŞDİR
Bayram münasibətilə keçirilən rəsmi dövlət tədbirində Prezident İslam Kərimov bu əlamətdar gün münasibətilə özbək xalqını və ölkədə yaşayan digər xalqları təbrik etmişdir. O demişdir ki, biz müstəqillik dövründə çox böyük uğurlara nail olmuşuq, ancaq bu uğurlar bizim inkişafımıza mane olmaq istəyən terrorçuların xoşuna gəlmir. Lakin biz onlarla qətiyyətlə mübarizə aparmışıq və bundan sonra da aparacağıq.
Özbəkistanda yaşayan bütün xalqların nümayəndələri həmin gün Daşkəndin, digər şəhərlərin park və meydanlarında müxtəlif tədbirlər keçirmişlər.
Paytaxtın Babur parkı milli mədəniyyət mərkəzlərinin ixtiyarına verilmişdir. Azərbaycan Mədəniyyət Mərkəzləri Assosiasiyasının təşkil etdiyi bayram tədbirinə yüzlərlə həmyerlimiz toplaşmışdı. Assosiasiyanın nəzdindəki “Azəri” rəqs ansamblının üzvləri və “Qardaşlıq” ansamblının solistləri onların qarşısında çıxış etmişlər.
