Müstəqillik Günü münasibətilə Çikaqonun mərkəzində Azərbaycan bayrağı qaldırılıb
Bakı, 16 may, AZƏRTAC
ABŞ-ın Çikaqo şəhərində 28 May - Müstəqillik Günü münasibətilə Azərbaycanın Dövlət Bayrağı qaldırılıb.
Diasporla İş üzrə Dövlət Komitəsindən AZƏRTAC-a bildiriblər ki, şəhərin məşhur “The Daley Center” inzibati-ictimai mərkəzində baş tutan mərasim Amerikanın Orta Qərb Ştatları üzrə Azərbaycan Mərkəzinin (ACMA) təşkilatçılığı ilə keçirilib.
Azərbaycanın Dövlət Himninin sədaları altında üçrəngli Bayrağımız səmaya ucaldılıb.
Bayraqqaldırma mərasimi şəhər əhalisinin diqqətini cəlb edib. Aksiya ilə maraqlananlara Azərbaycan haqqında məlumat verilib.
ACMA-nın rəhbəri Fərid Məmmədov bildirib ki, artıq ənənəyə çevrilmiş bayraqqaldırma layihəsi hər il Azərbaycan üçün əlamətdar və tarixi günlərdə təşkil olunur.
Qeyd edək ki, Azərbaycan bayrağı gün ərzində Çikaqo meriyasının qarşısındakı “The Daley Center”də dalğalanacaq.
Bölmənin digər xəbərləri
