Muzey Mərkəzində sərgi - Qobustan qayaüstü təsvirləri incəsənətdə
Bakı, 15 aprel, AZƏRTAC
Qobustan Milli Tarix-Bədii Qoruğu 18 Aprel - Beynəlxalq Abidələr və Tarixi Yerlər Günü ilə əlaqədar “Qobustan qayaüstü təsvirləri incəsənətdə” adlı sərgi təşkil edəcək.
Qoruqdan AZƏRTAC-a bildirilib ki, sərgidə yaradıcılığında Qobustan qayaüstü təsvirlərinin motivlərinə müraciət etmiş ölkəmizin tanınmış və gənc sənətkarlarının rəngkarlıq, heykəltaraşlıq, keramika, qrafika, batika, xalça və dizayn sahələri üzrə əl işləri nümayiş olunacaq.
Sərgi aprelin 18-də Muzey Mərkəzinin sərgi qalereyasında açılacaq.
Xatırladaq ki, hər il aprelin 18-i dünyada Beynəlxalq Abidələr və Tarixi Yerlər Günü kimi qeyd olunur. Bu əlamətdar gün Tarixi Yerlər və Abidələrin Mühafizəsi Şurasının (İCOMOS) təklifi üzrə UNESCO tərəfindən 1983-cü ildə təsis olunub. Məqsəd insanların diqqətini abidələrin və tarixi yerlərin qorunmasına yönəltməkdir. Bu əlamətdar gün Azərbaycanda da geniş qeyd olunur. Hər il bu tarixdə qoruqlarda, tarixi məkanlarda abidələrin və tarixi yerlərin qorunmasının təbliği məqsədilə müxtəlif tədbirlər, sərgilər təşkil olunur.
Bölmənin digər xəbərləri
