Muzeydə Xocalı soyqırımı ilə bağlı məruzələr dinləniləcək
Bakı, 20 fevral, AZƏRTAC
Fevralın 22-də Azərbaycan Milli Elmlər Akademiyasının Milli Azərbaycan Tarixi Muzeyində “Xocalısız... 27 il” mövzusunda tədbir keçiriləcək.
Muzeydən AZƏRTAC-a bildiriblər ki, tədbirdə Xocalı soyqırımı qurbanlarının xatirəsi anılacaq, faciə ilə bağlı məruzələr dinləniləcək, məktəblilər tərəfindən “Xocalıya ədalət!” mövzusunda ədəbi-bədii kompozisiya göstəriləcək.
Eyni zamanda, muzeyin fondunda Xocalı soyqırımına dair fotoşəkillər, Azərbaycan və xarici dillərdə kitablar, jurnal və qəzetlər, digər çap materialları nümayiş etdiriləcək.
Bölmənin digər xəbərləri
