Naməlum şəxslər Vyanada kilsəyə hücum ediblər
Bakı, 27 dekabr, AZƏRTAC
Bu gün axşam saatlarında iki naməlum şəxs Vyananın 21-ci rayonundakı katolik kilsəsinə hücum edib.
AZƏRTAC TASS informasiya agentliyinə istinadla xəbər verir ki, hücum nəticəsində yaralananlar var. Vyana polisinin məlumatına görə, basqınçılar kilsədəki din xadimlərini qarət edərək qaçıblar.
Hazırda hadisə yerində operativ istintaq qrupu və şəhər polisinin xüsusi təyinatlı dəstələri işləyir. Yaxınlıqdakı küçələr bağlanıb. Polis cinayətkarları axtarır.
Şahidlər kilsədə atəş səsləri eşidildiyini bildiriblər.
Bölmənin digər xəbərləri
