Narkotiklərin qanunsuz dövriyyəsində şübhəli bilinən keçmiş məhkumlar tutulublar
Bakı, 31 mart, AZƏRTAC
Narkotiklərin qanunsuz dövriyyəsində şübhəli bilinən keçmiş məhkumlar tutulublar.
Daxili İşlər Nazirliyinin mətbuat xidmətindən AZƏRTAC-a bildirilib ki, narkotiklərin qanunsuz dövriyyəsində şübhəli bilinən Bakı şəhər sakinləri, əvvəllər məhkum olunmuş - S.Həbibov və R.Əmrahov Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində Sumqayıt şəhəri ərazisində saxlanılıb. Axtarış zamanı S.Həbibovdan 197 qrama yaxın heroin, 40 ədəd metadon həbi, R.Əmrahovdan isə 48 qramdan artıq heroin aşkar olunub.
Davam etdirilən tədbirlərlə S.Həbibovun yaşadığı evə baxış zamanı oradan əlavə olaraq 47 qramdan artıq heroin və 48 qramdan artıq metamfetamin götürülüb.
Faktla bağlı araşdırma aparılır.
Bölmənin digər xəbərləri
