NATO-nun Kosovodakı qüvvələrinə rəhbərlik Türkiyəyə keçib VİDEO
Belqrad, 10 oktyabr, AZƏRTAC
NATO-nun Kosovodakı Sülhməramlı Qüvvələrinə (KFOR) rəhbərlik Türkiyəyə keçib.
AZƏRTAC xəbər verir ki, ötən il oktyabrın 10-da KFOR-a rəhbərliyi Macarıstandan təhvil alan İtaliyanın komandanlıq müddəti başa çatıb. Türkiyə sülhməramlı qüvvələrin komandanlığını oktyabrın 10-da İtaliyadan təhvil alıb.
Türkiyə 1999-cu ildən bu vaxtadək Kosovoda xidmət aparan KFOR-a ilk dəfə rəhbərlik edəcək. KFOR-un komandiri vəzifəsinin icrası general-mayor Özkan Ulutaşa həvalə olunub.
1999-cu il iyunun 12-də Kosovoda fəaliyyətə başlayan sülhməramlı qüvvələrin şəxsi heyətində ümumilikdə 27 ölkədən 4500-dən çox hərbi personal var. Türkiyə hərbçilərin sayına görə ikinci yerdədir. Türkiyə tərəfi KFOR-u Balkan regionunda sülh və sabitliyin təmin olunmasında ən mühüm missiyalardan biri kimi qiymətləndirir.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
