Naxçıvanda dələduzluq edən şəxs saxlanılıb
Naxçıvan, 10 iyul, AZƏRTAC
Naxçıvanda dələduzluq etməkdə şübhəli bilinən şəxs tutulub.
Muxtar respublikanın Daxili İşlər Nazirliyindən AZƏRTAC-ın Naxçıvan bürosuna bildirilib ki, daxil olan şikayət əsasında polis əməkdaşlarının keçirdikləri tədbirlərlə dələduzluqda şübhəli bilinən Bakı şəhər sakini Əfqan Məmmədov saxlanılıb.
Araşdırmalarla onun özünü hüquqşünas kimi təqdim edərək, cəzaçəkmə müəssisəsində olan bir nəfərin cəzasını azaltmaq adlı ilə yaxınlarından dələduzluq yolu ilə pul aldığı məlum olub.
Ə.Məmmədovun qanunsuz əməllərindən zərərçəkən başqa şəxslər varsa, bu barədə polisə məlumat verə bilərlər.
Bölmənin digər xəbərləri
