Naxçıvanda dövlət əmlakının icarəsindən dövlət büdcəsinə daxilolmalar 44,8 faiz artıb
Naxçıvan, 21 avqust, AZƏRTAC
Bu ilin yanvar-iyul aylarında Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidməti tərəfindən daşınmaz dövlət əmlakının icarəyə verilməsinə dair 115 yeni icarə müqaviləsi bağlanılıb.
Nazirliyin mətbuat xidmətindən AZƏRTAC-ın bölgə müxbirinə bildirilib ki, bunlardan 80-i qeyri-yaşayış, 35-i isə torpaq sahələrinə aid olub. 149 icarə müqaviləsinin müddəti uzadılıb.
Yanvar-iyul ayları ərzində qüvvədə olan müqavilələr üzrə dövlət büdcəsinə qeyri-yaşayış və torpaq sahələrinin icarəsindən, ümumilikdə, 577 min manat vəsait ödənilib. Ötən yeddi ayda dövlət büdcəsinə daxilolmalar 2025-ci ilin eyni dövrü ilə müqayisədə 44,8 faiz artıb.
Müxbir- Nail Əsgərov
Bölmənin digər xəbərləri
