Naxçıvanda marşrut avtobusu avtomobillə toqquşub
Naxçıvan, 17 yanvar, AZƏRTAC
Naxçıvan şəhərində yol-nəqliyyat hadisəsi baş verib.
AZƏRTAC-ın bölgə müxbiri xəbər verir ki, qəza şəhərin Xətai məhəlləsində qeydə alınıb. Belə ki, hərəkətdə olan "KIA" markalı avtomobillə 9 nömrəli marşrut avtobusu toqquşub. Qəza zamanı Naxçıvan şəhər sakinləri - 1987-ci il təvəllüdlü Abdullayeva Təhminə Qəhrəman qızı, 1981-ci il təvəllüdlü Qafarova Lamiyə Rüfət qızı və 1972-ci il təvəllüdlü Vəliyeva Vəfa Hüseyn qızı xəsarət alıblar. Onlar Naxçıvan Muxtar Respublika Xəstəxanasının təcili yardım şöbəsinə yerləşdiriliblər.
Hadisə yerinə polis əməkdaşları cəlb olunub, fakt araşdırılır.
Bölmənin digər xəbərləri
