Naxçıvanın maliyyə naziri: Muxtar respublikada maliyyə sahəsində innovativ yanaşmalar fəal şəkildə tətbiq edilir
Bakı, 19 sentyabr, AZƏRTAC
Naxçıvan Muxtar Respublikasında maliyyə uçotu və nəzarəti sahəsində innovativ yanaşmalar fəal şəkildə tətbiq edilir.
AZƏRTAC xəbər verir ki, bunu Naxçıvan Muxtar Respublikasının maliyyə naziri Həsən İsmayılov Mühasiblərin və Auditorların VIII Avrasiya Forumunda çıxışı zamanı bildirib.
O qeyd edib ki, iqtisadi fəaliyyətin davamlılığının, şəffaflığının təmin edilməsində dövlətin maliyyə sistemi mühüm rol oynayır və bu sahədə şəffaflıq məsələləri qanunvericilik səviyyəsində tənzimlənir.
“Dövlətin maliyyə nəzarəti, nəzarət mexanizmləri mühasibat uçotu, audit proseslərini daha dəqiq və şəffaf edir. Nəticədə maliyyə riskləri azalır ki, bu da dövlət maliyyəsinin dayanıqlığını qorumağa imkan verir. Mühasibat uçotu və audit sisteminin inkişafı dövlətin iqtisadi-maliyyə strategiyasının uğurla həyata keçirilməsində həlledici rol oynayır” - deyə H.İsmayılov qeyd edib.
Bölmənin digər xəbərləri
