Nazir: Beynəlxalq institutlardan Gürcüstana qarşı siyasi məqsədlər üçün istifadə cəhdləri davam edir
Tbilisi, 8 iyul, AZƏRTAC
Beynəlxalq institutlardan Gürcüstana qarşı siyasi məqsədlər üçün istifadə cəhdləri davam edir.
AZƏRTAC xəbər verir ki, bunu jurnalistlərə açıqlamasında Gürcüstan Baş nazirinin müavini və xarici işlər naziri Maka Boçorişvili deyib.
Onun sözlərinə görə, konqresmen Co Uilsonun ATƏT Parlament Assambleyasında Gürcüstanla bağlı irəli sürdüyü qətnamə layihəsi beynəlxalq platformalarda siyasi məqsədlər üçün istifadə olunan ilk hal deyil. O bildirib ki, Co Uilson uzun müddətdir beynəlxalq arenada Gürcüstana qarşı gündəm üçün fəal şəkildə lobbiçilik edir və ATƏT Parlament Assambleyasında da eyni yanaşmanı davam etdirir.
“Müəyyən aktyorlar Gürcüstana qarşı gündəliyini maksimum dərəcədə artırmaq və bu məqsədlər üçün beynəlxalq qurumlardan istifadə etmək üçün istənilən formatdan, o cümlədən beynəlxalq təşkilatlardan istifadə edirlər. Bu, ilk cəhd deyil”, - deyə Maka Boçorişvili bildirib.
Qeyd edib ki, ATƏT Parlament Assambleyasına Gürcüstanla bağlı daha bir qətnamənin təqdim edilməsi bu siyasətin davamıdır.
Bölmənin digər xəbərləri
