Neftçalada 1551 tondan çox tərəvəz məhsulu yığılıb
Neftçala, 12 oktyabr, Aydın Yavərzadə, AZƏRTAC
Neftçalada tərəvəzçilikdə uğurlu nəticələr əldə olunub. Dövlət tərəfindən kənd təsərrüfatı sahəsinə göstərilən diqqət və qayğıdan, o cümlədən subsidiya və güzəştlərdən yararlanan fermerlər ötən illə müqayisədə sahələrdən daha çox məhsul tədarük ediblər.
Rayon Statistika İdarəsindən AZƏRTAC-ın bölgə müxbirinə bildirilib ki, oktyabrın 1-dək 142,5 hektar tərəvəz sahəsindən 1551,2 ton məhsul toplanılıb. Keçən ilin eyni dövrü ilə müqayisədə 127,4 ton və ya 8,9 faiz çox tərəvəz tədarük edilib. Yığılan tərəvəz məhsulları arasında bibər 134,5 ton, xiyar 388,4 ton, badımcan 409 ton, pomidor 350,3 ton, qabaq 154,8 ton, sarımsaq 43,4 ton, soğan 16,1 ton, digər tərəvəzlər isə 54,7 ton olub.
Bölmənin digər xəbərləri
