“NEFTÇİ” İDMAN-SAĞLAMLIQ MƏRKƏZİNİN CÜDO KOMANDASI DONETSKDƏN BÜRÜNC MEDALLA QAYITMIŞDIR
AZƏRTAC xəbər verir ki, “Neftçi” İdman-Sağlamlıq Mərkəzinin cüdo üzrə yığma komandası Donetsk şəhərində Ukraynanın əməkdar məşqçisi Y.M.Zuserin şərəfinə keçirilmiş XIV beynəlxalq cüdo turnirində iştirak etmişdir.
Komandanın rəhbəri Rasim Məlikovun verdiyi məlumatda bildirilir ki, turnirdə Ukraynanın bütün bölgə və vilayətləri ilə yanaşı, Rusiyanın 3 komandası, Polşa, Rumıniya, Yunanıstan və digər ölkələrdən 500-ə yaxın iştirakçı mübarizə aparmışdır.
Gərgin mübarizə şəraitində keçən yarışda komandamıza yeganə gümüş medalı Rüstəm Alimli qazandırmışdır. Digər cüdoçularımız - Teymur Əhmədov və Azər Ağayev turniri 5-ci yerdə başa vurmuşlar.
Milli komandanın üzvləri turnirdən sonra təşkil olunmuş 2 günlük təlim-məşq toplanışında idman ustalıqlarını təkmilləşdirmişlər.
Bölmənin digər xəbərləri
