“NEFTÇİ”NİN RƏHBƏRLİYİ ANTALYADA TOPLANIŞA YEKUN VURDU
Komandanın vitse-prezidenti Namiq Quliyev demişdir ki, “Neftçi”nin futbolçuları Türkiyədə məşq toplantısı sayəsində qarşıdakı görüşlərə hərtərəfli hazırlaşa bilmişlər.
Baş məşqçi Kazbek Tuayev jurnalistlərin suallarına cavab verərək bildirmişdir ki, “Neftçi” futbolçuları fevralın 24-dən martın 5-dək dörd xarici komanda ilə yoldaşlıq görüşləri keçirmiş, yüksək fiziki hazırlıq və oyun texnikası nümayiş etdirmişdir. Futbolçularımız çətin mübarizə şəraitində Rusiyanın “Anji” (2:1), Polşanın “Poqon” (3:0) və Belarusun “Lokomotiv” (4:0) komandalarını məğlub etmiş, Qazaxıstanın “Yesil-ahatır” klubu ilə heç-heçə (1:1) oynamışlar.
K.Tuayev hesab edir ki, Azərbaycanda peşəkar futbolun inkişafı üçün hər cür şərait yaradılmışdır və yığma komandanın tərkibi ölkə birinciliyində çıxış edən oyunçulardan təşkil oluna bilər.
Bölmənin digər xəbərləri
