Nizami Kino Mərkəzində gənc rejissorların filmləri nümayiş olunacaq
Bakı, 18 oktyabr, AZƏRTAC
Azərbaycan Kinematoqrafçılar İttifaqı Nizami Kino Mərkəzində film nümayişlərinə başlayır.
İttifaqdan AZƏRTAC-a bildirilib ki, layihə üzrə ilk filmin nümayişi oktyabrın 22-də olacaq.
Nümayişlər zamanı gənc rejissorlar Azər Quliyevin “İkinci planetin qırmızı rəngi”, Daniel Quliyevin “Uzaq”, Teymur Qəmbərovun “İki gün”, Novruz Hikmətin “Burada hələlik sakitlikdir” qısametrajlı bədii filmləri göstəriləcək.
Filmlərin təqdimatından sonra kinotənqidçi Sevda Sultanovanın moderatorluğu ilə yaradıcı heyətlə tamaşaçılar arasında müzakirələr aparılacaq.
Seanslara giriş sərbəstdir.
Bölmənin digər xəbərləri
