NORVEÇ KRALLIĞININ MİLLİ BAYRAMI ŞƏRƏFİNƏ
Azərbaycanın və Norveçin dövlət himnləri səslənmişdir.
Qəbulda çıxış edən Norveç Krallığının Azərbaycandakı səfiri Steynar Gil ölkələrimiz arasındakı siyasi, iqtisadi, mədəni əlaqələrin dinamik inkişaf etdiyini bildirmişdir.
Səfir Sovet Ordusu sıralarında 1944-cü ildə ölkəsinin alman faşistlərindən azad olunmasında iştirak etmiş azərbaycanlı müharibə veteranları Əziz Qəmbərova və Məmməd Hüseynova medallar və Norveç Kralı Əlahəzrət V Harald tərəfindən imzalanmış diplomları təqdim etmişdir.
Sonra Bakı Kamera Teatrı aktyorlarının ifasında görkəmli norveç dramaturqu H.İbsenin pyeslərindən parçalar, məşhur bəstəkar Edqar Qriqin əsərləri ifa olunmuşdur.
Rəsmi qəbulda nazirlər, Milli Məclisin deputatları, xarici ölkələrin Bakıdakı səfirləri, beynəlxalq təşkilatların ölkəmizdəki təmsilçiləri və digər rəsmi şəxslər, ictimaiyyətin nümayəndələri iştirak etmişlər.
Bölmənin digər xəbərləri
