Norveç Pensiya Fonduna neft-qaz şirkətlərindəki səhmlərinin satışına icazə verilib
Bakı, 2 oktyabr, AZƏRTAC
Aktivləri 1 trilyon dollar olan Norveçin suveren fondu - Dövlət Pensiya Fonduna neft və qaz şirkətlərindəki dəyəri 5,9 milyard dollarlıq səhmlərinin satılması üçün icazə verilib.
AZƏRTAC xəbər verir ki, Norveç Maliyyə Nazirliyinin açıqladığı plana əsasən nəzərdə tutulan satışın miqdarı Norveç hökumətinin mart ayındakı 7,6 milyard dollarlıq proqnozundan aşağıdır.
Fond “FTSE Russell” tərəfindən “Neft: xam istehsalçılar” kimi təsnif edilən şirkətlərdəki səhmlərini satacaq. Sentyabr ayının ortalarına bu kateqoriyaya daxil olan və Norveç Pensiya Fondu tərəfindən investisiya qoyulan şirkətlərin sayı 95-dir.
Maliyyə Nazirliyi satışların mərhələli şəkildə həyata keçiriləcəyini bildirib. Lakin hansı şirkətlərin səhmlərinin satılacağı ilə bağlı məlumat verməyib.
Bölmənin digər xəbərləri
