Nottingham şəhərində üç nəfərin qətlində şübhəli bilinən şəxs saxlanılıb
Bakı, 13 iyun, AZƏRTAC
Nottingham şəhərində üç nəfəri qətlə yetirməkdə şübhəli bilinən 31 yaşlı şəxs saxlanılıb.
AZƏRTAC Sky News telekanalına istinadla xəbər verir ki, polislər yerli vaxtla səhər saat dörd radələrində şəhərin mərkəzindəki küçədə iki nəfərin cəsədini aşkarlayıb. Sonradan polis idarəsinə furqonlu avtomobilin üç nəfəri vuraraq yaralaması barədə məlumat daxil olub. Hadisə yerinə gələn qanun keşikçiləri yaxınlıqda daha bir cəsəd tapıblar.
Hüquq-mühafizə orqanları hər üç hadisənin bir-biri ilə bağlı olduğu qənaətinə gəlib.
Operativ xidmətlərin keçirdiyi əməliyyat zamanı şəhərin mərkəzində nəqliyyatın hərəkəti məhdudlaşdırılıb. Sakinlərə mühafizə altına alınan rayondan uzaq durmaq tövsiyə olunub.
Bölmənin digər xəbərləri
