“Novruz mühazirələri”nə başlanılır
Bakı, 28 fevral, AZƏRTAC
Martın 3-də Təhsil Nazirliyi ilk “Novruz mühazirəsi”ni keçirəcək. Azərbaycan-Fransız (UFAZ) Universitetində təşkil olunacaq ilk mühazirə “Qeyri-səlis məntiqlə yeni sivilizasiyalara doğru” mövzusuna həsr ediləcək.
Təhsil Nazirliyindən AZƏRTAC-a bildiriblər ki, mühazirədə iştirak etmək istəyən şəxslər [email protected] elektron poçtuna müraciət ünvanlaya bilərlər.
“Novruz mühazirələri”nin keçirilməsinin əsas məqsədi təhsil və elmin bu və ya digər sahələrinə dair mövzuların gündəmə gətirilməsi və populyar dildə təqdim olunmasıdır.
Qeyd edək ki, Təhsil Nazirliyi 2016-cı ildən etibarən “Novruz mühazirələri” keçirir. Mühazirələrdə tanınmış alimlər, beynəlxalq və yerli təhsil ekspertləri tərəfindən Azərbaycanın tarixi, elmi, mədəniyyəti və təhsili üzrə müxtəlif məsələlər ictimaiyyətə çatdırılır.
Bölmənin digər xəbərləri
