OLİMPİYA OYUNLARINA DAHA BİR LİSENZİYA

09.12.2003 [18:03]
Çap et
A⁺ A^-

Parisdə taekvondo üzrə dünya təsnifat turniri başa çatmışdır. Turnirdə 2004-cü il Afina Olimpiadasında lisenziyalar uğrunda mübarizə aparılmışdır. Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, yarışlarda dünyanın 90 ölkəsindən 280-dən çox idmançı iştirak etmişdir. Turnirdə Azərbaycanı Aynurə Məmmədova (49 kq), Mətanət Həsənova (57 kq), 2001-ci ilin dünya çempionu Niyaməddin Paşayev (68 kq) və 2002-ci il Avropa çempionatının gümüş mükafatçısı Rəşad Əhmədov (80 kq) təmsil etmişlər.

Yalnız Rəşad Əhmədov uğurla çıxış etmiş və 3–cü yeri tutaraq, taekvondoçularımız arasında Afinaya yeganə lisenziya qazanmışdır. Niyaməddin Paşayev birinci görüşdə kolumbiyalı Sezar Dukaya çətinliklə qalib gəlmişdir-1:0. Keçmiş dünya çempionu ikinci görüşdə gözlənilmədən İordaniya idmançısı Cəmil Musa Hüffətə məğlub olmuşdur. Görüş 6:3 hesabı ilə rəqibinin xeyrinə başa çatmışdır.

Turnirin yekunlarına görə 28 idmançı Afinaya vəsiqə almışdır. Onların dördü koreyalılara çatmış, Fransa, Venesuela və İtaliya komandalarının hərəsi üç vəsiqə qazanmışdır. Ümumən 18 ölkə Yunanıstanda təmsil olunmaq hüququ əldə etmişdir.

Azərbaycan taekvondoçuları hələ qitə təsnifat yarışlarında Olimpiadaya lisenziya qazana bilərlər. Avropa təsnifat turniri 2004-cü il fevralın 21-22 də Bakıda keçiriləcəkdir. Paytaxtımızda daha 24 lisenziyanın sahibləri məlum olacaqdır. Afinada ümumən 124 taekvondoçu çıxış edəcəkdir.

OLİMPİYA OYUNLARINA DAHA BİR LİSENZİYA

MÜƏLLİFLƏ ƏLAQƏ

Bölmənin digər xəbərləri