ÖMƏR SEYFƏDDİN HEKAYƏ MÜSABİQƏSİ
Türkiyənin ölkəmizdəki səfirliyinin mədəniyyət və tanıtma müşavirliyindən AZƏRTAC-a bildirmişlər ki, müsabiqəyə Türkiyə türkcəsi ilə yazanlar qoşula bilərlər. Türkiyədə və türk dünyasında hekayə kitabları ilə tanınanlar, habelə əvvəlki illərdə müsabiqədə birinci yeri tutanlar bu yarışmaya buraxılmırlar. Müsabiqəyə iki hekayə təqdim edilməlidir.
Əlli min işarədən ibarət əsər disket və ya CD-yə köçürülərək poçt ilə avqustun 15-dək İstanbul Türk Ədəbiyyatı Vəqfinə göndərilməlidir. Zərfin üstündə şərti ad yazılmalı, içərisinə disketdən əlavə müsabiqə iştirakçısının adı, soyadı, ünvanı, telefon nömrəsi, fotoşəkli və qısa tərcümeyi-halı olan kiçik zərf qoyulmalıdır.
Birinci yer üçün 3000, ikinci yerə görə 2000, üçüncü yer üçün isə 1000 Yeni Türk Lirəsi (YTL) mükafat nəzərdə tutulmuşdur. Hər biri 500 YTL olmaqla 7 həvəsləndirici mükafat da veriləcəkdir.
Qaliblərin mükafatlandırılması mərasimi oktyabrın 4-də İstanbulda olacaqdır.
Bölmənin digər xəbərləri
