ÖMRÜNÜ ENSİKLOPEDİYA VƏ LÜĞƏTLƏRDƏ SƏHVLƏR AXTARMAĞA HƏSR ETMİŞDİR
AZƏRTAC İTAR-TASS-a istinadla xəbər verir ki, Şanxay şəhərinin bu 56 yaşlı sakini soraq ədəbiyyatının müəlliflərini faydalı və gərəkli kitablar üzərində başdansovdu və məsuliyyətsiz işlədiklərinə görə biabır etmək üçün 1998-ci ildə yaxşı maaş aldığı vəzifədən çıxmışdır.
“Sinxua tszıdyan” izahlı lüğətinin satışına dair işlə əlaqədar bu yaxınlarda Şanxayda başlanmış məhkəmə prosesini “tükü tükdən seçən” oxucunun əsil nailiyyəti adlandırmaq olar. Erudit Ma Tsze bu lüğətdə nə az, nə çox - 4 min səhv tapmışdır. Halbuki “Sinxua tszıdyan” Çində ən populyar və mötəbər, əslində, stolüstü nəşrdir və demək olar, hər bir məktəbli ondan istifadə edir. Ma Tsze sübuta yetirməyə çalışır ki, lüğətin bu qədər xətalarla kütləvi nəşri “əmtəə istehlakçıları üçün təhlükəlidir”.
Bölmənin digər xəbərləri
