Ötən il qeydə alınmış cinayət hadisələri üzrə 7455 qadın zərər çəkib
Bakı, 25 oktyabr, AZƏRTAC
2022-ci hesabat ili ərzində qeydə alınmış cinayət hadisələri üzrə 25 min 449 zərərçəkmiş şəxsin 7 min 455-i qadın olub.
AZƏRTAC xəbər verir ki, bu oktyabrın 25-də Milli Məclisdə müzakirə edilən Azərbaycan Respublikası Ailə, Qadın və Uşaq Problemləri üzrə Dövlət Komitəsinin 2022-ci il üzrə hesabatında əksini tapıb.
Bildirilib ki, zərərçəkmiş qadınlardan 2 min 945-i xəsarət alıb, 309-u (onlardan 24-ü yetkinlik yaşına çatmayan) isə ölüb. 2022-ci ildə 15 nəfər qadının (1 nəfər - 14 yaşına çatmamış, 2 nəfər - 14-18 yaş aralığı, 12 nəfər-18 yaşdan yuxarı) cinsi zorakılığa məruz qalması ilə bağlı cinayət işi başlanılıb,14 cinayət işi üzrə istintaq aparılaraq təqsirləndirilən şəxslərin cinayət məsuliyyətinə cəlb olunması təmin edilib.
Bölmənin digər xəbərləri
