Özal Həsənzadə: Atam 18 yaşında Laçından çıxmışdı, mən isə 18 yaşımda qayıdıram
Bakı, 30 oktyabr, AZƏRTAC
Valideynlərim Laçın şəhərində doğulub boya-başa çatıblar. Atam 18 yaşında Laçın şəhərindən çıxmışdı, mən isə indi 18 yaşımda doğma ata-baba yurduma qayıdıram.
Bu sözləri oktyabrın 30-da Bakı şəhərinin Qaradağ rayonundakı “Qobu park 3” yaşayış kompleksindən Laçın şəhərinə yola düşən Özal Həsənzadə AZƏRTAC-a müsahibəsində deyib.
Vətən uğrunda canından keçən şəhidlərimizə Allahdan rəhmət, qazilərimizə isə şəfa diləyən Özal əlavə edib: "Şəhid və qazi analarının əllərindən öpürəm. Onların sayəsində bu günləri yaşayırıq".
Prezident, Müzəffər Ali Baş Komandan İlham Əliyevə də minnətdarlığını bildirən Özal Həsənzadə Böyük Qayıdış prosesinin çox mükəmməl şəkildə həyata keçirildiyini vurğulayıb.
Bölmənin digər xəbərləri
