Özbək teatrının “Qayınanası” Bakı tamaşaçıları ilə sağollaşır
Bakı, 5 dekabr, AZƏRTAC
Bakıda qastrolda olan Özbəkistanın Səmərqənd Vilayətinin Kattakurqan Dövlət Dram Teatrının yaradıcı heyəti bu gün azərbaycanlı tamaşaçılarla sağollaşacaq.
AZƏRTAC xəbər verir ki, dekabrın 2-də Bakıdakı həmkarları tərəfindən coşqu ilə qarşılanan qardaş ölkənin sənət ocağının kollektivi Azərbaycan Dövlət Akademik Musiqili Teatrında üç gün xoş ovqat yaradıb. Onlar Azərbaycanın klassik səhnə əsəri olan “Qaynana” (M.Şamxalov) komediyasını özbək dilində nümayiş etdiriblər.
Həmçinin özbəkistanlı qonaqlar teatrın inzibati binası ilə tanış olub, teatrda məşqləri davam edən tamaşaların hazırlıq prosesini izləyiblər.
Özbək sənətçilər bu gün saat 19:00-da sonuncu dəfə Bakı tamaşaçılarının qarşısında “Qayınana” tamaşası ilə çıxış edəcəklər.
Bölmənin digər xəbərləri
