ÖZBƏKİSTAN RESPUBLİKASININ PREZİDENTİ ZATİ-ALİLƏRİ CƏNAB İSLAM KƏRİMOVA
Özbəkistan Respublikasının milli bayramı – Müstəqillik günü münasibətilə Sizi və Sizin simanızda bütün xalqınızı şəxsən öz adımdan və Azərbaycan xalqı adından ürəkdən təbrik edirəm.
Müstəqillik illəri ərzində dost Özbəkistan dövlətçiliyin möhkəmləndirilməsi, dərin sosial-iqtisadi islahatlar aparılması, dünya birliyi ilə inteqrasiya sahəsində mühüm nailiyyətlər əldə etmişdir.
Azərbaycan ilə Özbəkistan arasındakı ənənəvi dostluq və əməkdaşlıq münasibətləri də bu dövrdə keyfiyyətcə yeni səviyyəyə yüksəlmişdir. Əminəm ki, xalqlarımızın mənafeyinə uyğun olaraq istər ikitərəfli əlaqələrimizi, istərsə də beynəlxalq təşkilatlar çərçivəsində birgə fəaliyyətimizi genişləndirmək üçün bundan sonra da ardıcıl səylər göstərəcəyik.
Hörmətli cənab Prezident, bu əlamətdar gündə Sizə möhkəm cansağlığı, işlərinizdə uğurlar, dost Özbəkistan xalqına əmin-amanlıq və tərəqqi arzulayıram.
Hörmətlə,
İlham Əliyev
Azərbaycan Respublikasının Prezidenti
Bakı şəhəri, 23 avqust 2004-cü il.
Bölmənin digər xəbərləri
