ÖZBƏKİSTANLA GÖMRÜK SAHƏSİNDƏ ƏMƏKDAŞLIQ İNKİŞAF EDİR
AZƏRTAC xəbər verir ki, Dövlət Gömrük Komitəsinin sədri Kəmaləddin Heydərov fevralın 4-də Özbəkistanın ölkəmizə yeni təyin olunmuş səfiri İsmətulla Yerqaşovla görüşmüş, Özbəkistanla gömrük sahəsində əlaqələrin genişləndiyini bildirmişdir.
Komitə sədri Kəmaləddin Heydərov bu ölkənin gömrük qurumları ilə İƏT, MDB Gömrük Rəhbərləri Şurası və Gömrük Əməkdaşlıq Komitəsi çərçivəsində əlaqələrin davam etdirildiyini, saziş və protokolların imzalandığını xatırlatmış və demişdir ki, ötən il Özbəkistanla mal dövriyyəsində ixracın həcmi əvvəlki illə müqayisədə 90, idxalın həcmi isə 40 faiz artmışdır.
Münasibətlərin növbəti illərdə də bu tərzdə inkişaf edəcəyini bildirən səfir İsmətulla Yerqaşov diplomatik missiyası dövründə gömrük işi ilə bağlı qarşıya çıxan problemlərin həllində birgə əməkdaşlığın vacibliyini vurğulamışdır.
Görüşdə tərəfləri maraqlandıran bir sıra məsələlər müzakirə olunmuşdur.
Bölmənin digər xəbərləri
