Pakistan XİN: ABŞ və İran arasında dialoq qurulmasında vasitəçiliyə davam edəcəyik
Bakı, 12 aprel, AZƏRTAC
İslamabad ABŞ və İran arasında dialoq qurulmasında vasitəçiliyə davam edəcək və hər iki tərəfin atəşkəs öhdəliklərini yerinə yetirəcəyini gözləyir.
AZƏRTAC xəbər verir ki, bu barədə Pakistanın Xarici İşlər Nazirliyinin açıqlamasında bildirilib.
Açıqlamada deyilir: "Ümid edirik ki, hər iki tərəf davamlı sülhə nail olmaq üçün müsbət şəkildə irəliləməyə davam edəcək... Bütün tərəflərin atəşkəs öhdəliklərini yerinə yetirməsi vacibdir".
Qeyd edək ki, ötən gün İslamabadda ABŞ-İran danışıqları keçirilib. 21 saat davam edən danışıqlar nəticəsiz başa çatıb.
Bölmənin digər xəbərləri
