Pakistanın nəzarətində olan Kəşmirdə mikroavtobusun çaya aşması nəticəsində altı nəfər ölüb
Bakı, 10 iyun, AZƏRTAC
Pakistanın nəzarətində olan Kəşmirin Neelum rayonunda “Jeep” markalı mikroavtobusun çaya aşması nəticəsində azı altı nəfər ölüb, on nəfər itkin düşüb, iki nəfər isə yaralanıb.
AZƏRTAC “Kashmir Times” saytına istinadla xəbər verir ki, yerli əhali Pakistan ordusunun şəxsi heyəti ilə birlikdə xilasetmə əməliyyatı həyata keçirib.
Məlumatda bildirilib ki, qəza zamanı mikroavtobusda 18 nəfərə yaxın adam olub.
Yerli medianın məlumatına görə, sərnişinlərin əksəriyyəti turist, qalanları isə Neelum vadisinin yerli sakinləri olub.
Bölmənin digər xəbərləri
