Papa Fransisk müqəddəs torpaqda atəşkəs çağırışı edib
Vatikan, 28 oktyabr, AZƏRTAC
Humanitar yardımların Qəzzaya çatdırılması üçün dəhlizlər yaradılmalı və girovlar dərhal azad edilməlidir.
AZƏRTAC xəbər verir ki, bunu Roma Katolik Kilsəsinin rəhbəri Papa Fransisk deyib.
İsrail-Fələstin münaqişəsinə toxunan Papa Fransisk insanları müqəddəs torpaqda, Ukrayna və müharibə vəziyyətində olan digər bölgələrdəki ciddi vəziyyət üçün dua etməyə çağırıb.
“Qoy heç kim silahları dayandırmaq imkanından əl çəkməsin. Atəşi dayandırın! müharibə hər zaman məğlubiyyətdir”, - deyə Roma Katolik Kilsəsinin rəhbəri vurğulayıb.
Xatırladaq ki, Papa Fransisk oktyabrın 27-ni dünyada sülh üçün dua, oruc və tövbə günü elan etmişdi.
Nihad Budaqov
AZƏRTAC-ın xüsusi müxbiri
Vatikan
Bölmənin digər xəbərləri
