Paris və Əlcəzair arasında diplomatik dialoq yenidən bərpa edilir
Paris, 17 mart, AZƏRTAC
Yaxın Şərq müharibəsi ilə bağlı regional vəziyyətin gərginləşdiyi bir dövrdə Fransa və Əlcəzair arasında diplomatik dialoq yenidən bərpa edilib.
AZƏRTAC xəbər verir ki, Fransa xarici işlər naziri Jan-Noel Baro əlcəzairli həmkarı Ahmed Attaf ilə görüşərək, iki ölkə arasındakı əməkdaşlığın bərpasını müzakirə edib.
Fransa Xarici İşlər Nazirliyinin məlumatına görə, görüşdə nazirlər ikili əməkdaşlığın, xüsusilə təhlükəsizlik və miqrasiya sahələrində bərpa məsələlərini müzakirə ediblər.
Görüşdə siyasi dialoqun davam etdirilməsinə dair razılıq əldə olunub.
Fransa və Əlcəzair arasında münasibətlər 2024-cü ilin yayından bəri kəskinləşib. Nazirlərin son görüşü iki ölkə arasında diplomatik əlaqələrin bərpası və qarşılıqlı maraqlara əsaslanan daha sabit bir əməkdaşlığın qurulması üçün ümidverici addım kimi qiymətləndirilir.
Bölmənin digər xəbərləri
