PAUERLİFTİNQ ÜZRƏ ÖLKƏ ÇEMPİONATININ QALİBLƏRİ MƏLUMDUR
Yarışda 100-ə yaxın atlet 12 çəki dərəcəsi üzrə mükafatlar uğrunda mübarizə aparmışdır. Anar Əliyev (52 kq, Cəlilabad), Aqil Məşədiyev (56 kq, Qazax), Elvin Tarıverdiyev (60 kq, Bakı), Niyazi Həsənov (67 kq, Gəncə), Sərxan Əliyev (75 kq, Gəncə), Bayram Əliyev (82 kq, Bakı), Namiq Cəfərov (90 kq, Bakı), Vüsal Mərdanov (100 kq, Bakı), İbrahim İbrahimov (110 kq, Bakı), Şaməddin Əliyev (125 kq, Bakı), Kamil Cəfərov (140 kq, İsmayıllı) və İsrafil Məmmədov (140 kq-dan yuxarı, Qazax) birinci yeri tutmuşlar. Qaliblər milli yığma komandanın heyətinə cəlb olunaraq, noyabrın 1-dən 6-dək Belçikada keçiriləcək dünya çempionatına hazırlaşacaqlar.
Yarışda ilk üç yeri tutan idmançılarla yanaşı, son illər Avropa və dünya çempionatlarının medallarını qazanmış atletlərə də mükafatlar təqdim olunmuşdur.
Xatırladaq ki, ölkəmizi başqa bir yarışda noyabrın 3-dən 6-dək Nyu-Yorkda peşəkar pauerliftinqçilər arasında keçiriləcək dünya çempionatında federasiyanın prezidenti, məşqçi Ələddin Əliyevin rəhbərliyi ilə Avropa və dünya çempionu Rüfət Ağayev təmsil edəcəkdir.
Bölmənin digər xəbərləri
