PAYIZ SESSİYASINDA MÜZAKİRƏ EDİLƏCƏK MƏSƏLƏLƏR NƏZƏRDƏN KEÇİRİLMİŞDİR

25.08.2004 [20:30]
Çap et
A⁺ A^-

AZƏRTAC xəbər verir ki, avqustun 25-də Milli Məclisin təbii ehtiyatlar, energetika və ekologiya məsələləri daimi komissiyasının iclası olmuşdur. Asya Manafovanın sədrliyi ilə keçən iclasda “Komissiyanın 2004-cü ilin yay və növbədənkənar sessiyalarının yekunlarına dair hesabat”ı dinlənilmiş, “Komissiyanın 2004-cü ilin payız sessiyası üçün iş planı” və cari məsələlər müzakirə edilmişdir.

İclasda qeyd edilmişdir ki, komissiyanın yaz və növbədənkənar sessiyaları dövründə Milli Məclisin təbii ehtiyatlar, energetika və ekologiya məsələləri daimi komissiyasının iş planında nəzərdə tutulan tədbirlər əsasən yerinə yetirilmişdir. Bu dövrdə komissiyanın 8 iclası keçirilmiş, 19 məsələyə baxılmışdır. Qanunvericilik təşəbbüsü ilə Azərbaycan Respublikasının Prezidenti tərəfindən göndərilmiş 13 qanun layihəsi Milli Məclisə təqdim edilmişdir.

İclasda aqrar siyasət, iqtisadi siyasət daimi komissiyaları ilə birgə Milli Məclisin müzakirəsinə çıxarılmış və qəbul edilmiş qanun layihələri barədə də məlumat verilmişdir.

İclasda komissiyanın 2004-cü ilin payız sessiyası üçün iş planı təsdiq edilmiş, cari məsələlərə baxılmışdır.

PAYIZ SESSİYASINDA MÜZAKİRƏ EDİLƏCƏK MƏSƏLƏLƏR NƏZƏRDƏN KEÇİRİLMİŞDİR

MÜƏLLİFLƏ ƏLAQƏ