“Politico”: Avropada Rusiyanın dondurulmuş aktivlərinin müsadirəsindən çəkinməmək çağırışları səslənir
Bakı, 30 sentyabr, AZƏRTAC
Avropa Rusiyanın dondurulmuş xarici aktivlərini müsadirə etməkdən çəkinməməlidir.
AZƏRTAC “Gazeta.ru” nəşrinə istinadla xəbər verir ki, bu barədə “Politico” qəzetinə Litva Mərkəzi Bankının sədri Gediminas Şimkus məlumat verib.
Şimkusun fikrincə, Rusiyanın qələbəsi Rusiyanın xaricdəki aktivlərinin müsadirəsi nəticəsində yaranan reputasiya fonunda avroya olan inamı sarsıda bilər.
Sentyabrın 30-da həmin “Politico” qəzeti Avropa Komissiyasının (AK) Rusiyanın dondurulmuş 140 milyard avroluq aktivlərini sonradan Ukraynaya köçürmək üçün sıfır kuponlu istiqrazlara dəyişdirməyi təklif edəcəyini bildirmişdi.
Bir gün əvvəl Avropa Komissiyasının sözçüsü Balaş Uyvari bildirmişdi ki, Avropa Komissiyasının hazırladığı dondurulmuş Rusiya aktivlərindən Ukraynaya sözdə “reparasiya krediti” təklifi bu vəsaitlərin özlərinə təsir etmir və onların müsadirəsini nəzərdə tutmur. O, həmçinin istisna etməyib ki, AK təklifi Rusiya vəsaitlərinin əsas hissəsinin saxlandığı Belçika depozitari fondu “EuroClear” üçün Avropa təhlükəsizlik zəmanətlərini də əhatə edə bilər.
Bölmənin digər xəbərləri
