Polşa Aİ-ni Ukrayna ilə ticarətin liberallaşdırılmasını dondurmağa çağırır
Bakı, 26 fevral, AZƏRTAC
Ukraynadan Polşaya və Avropa bazarına kənd təsərrüfatı məhsullarının nəzarətsiz axınına görə Avropa Komissiyası məsuliyyət daşıyır.
AZƏRTAC xəbər verir ki, bunu Polşanın kənd təsərrüfatı naziri Çeslav Sekerski deyib. O, həmçinin Avropa İttifaqını Ukrayna ilə ticarətin liberallaşdırılmasını dondurmağa çağırıb.
“Biz fermerlərin etirazlarını başa düşməliyik və mən Avropa İttifaqının Nazirlər Şurasının Brüsseldə keçiriləcək iclasında bunun üçün çalışacağam”, - deyə Çeslav Sekerski bildirilib. Polşalı nazir iclasda “yaşıl istiqamət” sazişinə məhdudiyyətlərin tətbiqini də tələb etmək niyyətindədir.
Qeyd edək ki, bu gün Avropa İttifaqının Kənd Təsərrüfatı Nazirləri Şurasının Brüsseldə keçiriləcək iclasında fermerlərin problemlərinə baxılacağı gözlənilir.
Bölmənin digər xəbərləri
