POLŞA ALMANİYADAN TƏZMİNAT TƏLƏB EDİR
AZƏRTAC-ın xüsusi müxbiri xəbər verir ki, Polşa Seymi hökumətdən Almaniyaya qarşı təzminat iddiası ilə çıxış etməyi tələb etmişdir. Parlamentin yekdilliklə qəbul etdiyi və hökumətə təqdim olunmuş qətnamədə təkidlə bildirilir ki, Almaniya İkinci Dünya müharibəsində Polşaya vurduğu maddi və mənəvi zərərin, itki və dağıntıların, eləcə də polyak xalqının kütləvi qırğına məruz qalmasının əvəzini indiyədək hələ də ödəməmişdir. Polşa hökuməti bu barədə rəsmi Berlin qarşısında təzminat iddiası qaldırmalıdır.
Almaniya hökuməti və ölkənin siyasi dairələri Polşa Seyminin bu tələbini mənfi qarşılamışlar. Alman siyasətçiləri bildirmişlər ki, Hitler faşizminin İkinci Dünya müharibəsində qonşu Polşaya və onun xalqına gətirdiyi bəlaların, itgilərin və maddi-mənəvi ziyanın əvəzində indiki Almaniyadan təzminat tələb etmək haqsızlıqdır. Polşa Seyminin bu gözlənilməz tələbi hər iki ölkə və onların xalqları arasında mövcud yaxın qonşuluq münasibətlərinə xələl gətirə bilər.
Bölmənin digər xəbərləri
