Pomidor minalayıcı güvəsinə qarşı mübarizə tədbirlərinə dair metodiki vəsait hazırlanıb
Bakı, 31 mart, AZƏRTAC
Ölkəmizdə bitki sağlamlığının təmin olunması və təsərrüfatlarda zərərvericilərlə səmərəli mübarizənin təşkil olunması məqsədilə Qida Təhlükəsizliyi Agentliyi tərəfindən ardıcıl tədbirlər görülür.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, mütəxəssislər tərəfindən bitkiçilik sahəsində fəaliyyət göstərən sahibkarlıq subyektlərinin, həmçinin təsərrüfatlarda işləyən əməkdaşların maarifləndirilməsi üçün pomidor minalayıcı güvəsi ilə əlaqədar risk təhlili həyata keçirilib və zərərvericilərə qarşı yeni mübarizə metodlarının aşılanması məqsədilə metodiki vəsait hazırlanıb.
Agentliyin Bitki sağlamlığı şöbəsi tərəfindən hazırlanan vəsaitdə pomidor minalayıcı güvəsinin fitosanitar risk səviyyəsi, karantin statusu, yayılma və daxiloma yolları, iqtisadi təsirləri və ona qarşı aparılan mübarizə tədbirləri öz əksini tapıb.
Pomidor minalayıcı güvəsinin yayılmasının qarşısının alınması və yayılma mənbələrinin məhv edilməsinə dair hazırlanmış digər metodiki vəsait isə həmin zərərverici üzərində müşahidələr və ona qarşı mübarizə tədbirlərinə dair ümumi tövsiyələri, eləcə də zərərvericinin təcrid və ləğv edilməsi üzrə milli fitosanitar nəzarət sisteminin yaradılmasını əhatə edir.
Bölmənin digər xəbərləri
