Prezident İlham Əliyev Dövlət Sərhəd Xidmətinin hərbi qulluqçularının təltif edilməsi haqqında sərəncamlar imzalayıb
Bakı, 17 avqust, AZƏRTAC
Prezident İlham Əliyev avqustun 17-də Azərbaycan Respublikası Dövlət Sərhəd Xidmətinin hərbi qulluqçularının təltif edilməsi haqqında sərəncamlar imzalayıb.
AZƏRTAC xəbər verir ki, dövlətimizin başçısının Sərəncamı ilə 3 nəfərə “general-leytenant”, 2 nəfərə “general-mayor” ali hərbi rütbələri verilib.
Prezidentin digər sərəncamları ilə bir nəfərə “Əməkdar həkim”, bir nəfərə “Əməkdar tibb işçisi”, bir nəfər 2-ci dərəcəli “Vətənə xidmətə görə”, 5 nəfər 3-cü dərəcəli “Vətənə xidmətə görə” ordeni, 10 nəfər “Vətən uğrunda”, 8 nəfər “İgidliyə görə”, 23 nəfər isə “Hərbi xidmətlərə görə” medalı ilə təltif olunub.
Bölmənin digər xəbərləri
