Prezident seçkiləri ilə əlaqədar Ankarada səsvermənin gedişini işıqlandıracaq KİV-lərin müraciətlərinə baxılır
Ankara, 27 mart, AZƏRTAC
Aprelin 11-də Azərbaycanda keçiriləcək prezident seçkiləri ilə əlaqədar Ankara şəhərindəki səfirliyimizdə səsvermənin gedişinin kütləvi informasiya vasitələri tərəfindən işıqlandırılması uçun jurnalistlərə hər cür şərait yaradılacaq.
Səfirlikdə fəaliyyət göstərən məntəqə seçki komissiyasından bildirilib ki, səsvermənin gedişini işıqlandırmaq istəyən KİV-lərin müraciətlərinə baxılır.
Xatırladaq ki, Ankaradakı səfirlikdə 17 saylı Yasamal üçüncü seçki dairəsi üzrə 30 saylı məntəqə seçki komissiyası fəaliyyət göstərir. Burada Türkiyənin Ankara, Adana, Mersin, Kayseri və səfirliyin konsulluq şöbəsinin fəaliyyət dairəsində olan başqa bölgələrində yaşayan, işləyən və konsulluq qeydiyyatında olan digər vətəndaşlarımız səs vermək hüququna malikdirlər.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
