QADINLAR ARASINDA ŞAHMAT ÜZRƏ DÜNYA ÇEMPİONATI TBİLİSİDƏ, BATUMİDƏ VƏ YA DUBAYDA KEÇİRİLƏ BİLƏR

04.03.2004 [12:03]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Beynəlxalq Şahmat Federasiyasının prezidenti Kirsan İlyumjinov bildirmişdir ki, qadınlar arasında şahmat üzrə dünya çempionatını may-iyun aylarında Tbilisidə keçirmək nəzərdə tutulmuşdu. Lakin ölkə rəhbərliyi dəyişildikdən sonra Gürcüstan tərəfi 500 min dollar mükafat fondu olan çempionatın keçirilməsinə zəmanət verdiyini nə təsdiq, nə də inkar etmişdir.

K.İlyumjinov demişdir ki, Gürcüstanın keçmiş prezidenti Eduard Şevardnadze bu turnirin Tbilisidə keçirilməsi barədə FİDE ilə razılığa gəlmişdi. Hazırda Acarıstanın başçısı Aslan Abaşidze və Birləşmiş Ərəb Əmirliklərinin turizm naziri şahmatçı qadınları qəbul etmək arzusunda olduqlarını bildirmişlər. Lakin Tbilisi qəti qərar vermək üçün bir qədər gözləməyi xahiş etmişdir.

QADINLAR ARASINDA ŞAHMAT ÜZRƏ DÜNYA ÇEMPİONATI TBİLİSİDƏ, BATUMİDƏ VƏ YA DUBAYDA KEÇİRİLƏ BİLƏR

MÜƏLLİFLƏ ƏLAQƏ

Bölmənin digər xəbərləri